دئديم قوناقديلار، سوفرامي آچديم، ظن ائتديم هامي منيم كيميدير. هر نه تابقدا وار ايدي قاباقا قويدوم. اؤزومله دئديم آييب اولماسين.
دئمه چوخلاري يالنيز قارينلارين دولدورماقا گلميشديلر. من ائله بيليرديم قارينلاري توخ اولوب واز كئچهجكلر، بيلميرديم بو هله ايلكين چاغيدير.
هـــه قادويي آليم بالا، گون او گون اولدو كي مني آز قالا تپيكله ائشيگه آتالار.
*****************
پيس گونه قالدي آذربايجان، بير گون بوتون ايراندا هاميدان باشيدي قاباقجيل، گون او گون اولدو كي پالچيقا زيقا قويدولار يوخويا قالميش آذربايجاني.
جنگ واختي ايگيدلريميز جانلاريندان كئچديلر مرد ساياقي گولــلهني باغريلارينا باسديلار. ايراني وطن بيليب بير قاريش تورپاقيندان واز كئچمهديلر، ايندي ائو ائشگيميز تورپاقدي توزدي، يئر تيتيرهجين باشيميزا كول اولور.
آذربايجان باشين ساغ اولسون.
كئچن ايل ائله بو گونلريدي، باشي بلالي آذربايجانيميز تيتيرهدي.
بالالاريميز يازيق،
آنالاريميز يازيق،
اوزاق كتدلرده اولانلاريميز يازيق.
نئچه گون سونرا هر كيم دئدي نيه گئج ايمدادا گلدينيز، بيزي يامانلاديلار دئديلر:
- يالان دانيشما باخ نه تيكيرلر!!!
اورگيمده دئديم :
- نه تيكيرسيز تيكين، تورپاق آلتدا قالانا، نفسي بئش داقيقا، بير ساعات، ايكي ساعات، ايندي نه تيكيرسن تيك اولن اولدي داها نفس چكنمير.
شكيلرين قايناقي :
قايناق : بيليم سسي http://bilimsesi.com/?p=1931
گؤنده ر بؤلوم لر: يازي