+0 به يه ن
قوشقو سوز كي بو گونه ده‌ك
ساريمساغين تايسيز يارارلاريندان چوخ ائشيديب سيز. كسين بيليرسينيز يوز
ايلردير ساريمساقدان بير يئمه‌لي بيتگي اولاراق درمان ائديجي بيتگي كيمي‌ده
ايشله‌نيلير.
ساريمساق هيندوستانين يئرلي بيتگيسي دير. ايهرسه قاينالتيدا آج قارنيلا
يئييله‌رسه بير آنتي‌بيوتيك كيمي ائتكيسي اولاجاق . آمما نيه قاينالتيدا آج
قارينلا يئيه‌ك؟ بو يازيدا بو سورويو جاواب وئرمه‌ك ايسته‌ييريك .لوطفن
بيزيلن يول بير اولون.
نيه قاينالتي دا آج قارنيلا يئيه‌ك؟
بونا گؤره كي سحر چاغي لاري آج قارينلا باكتري‌لرين ديره‌نيم‌لري(مقاومت) آز اولار . بئله‌ليكله ساريمساق يوخاري درجه‌ده اونلارين آرادان آپارماغيندا ائتكي بوراخا بيله‌ر .
ساريمساغين مين بير دنه اؤزلليگي
او چاغ كي آج قارينلا ساريمساغي مئيل بويورورسوز سانكي بدنيزي زه‌هه‌رلردن تميزله‌ييرسينيز (سم زدايي).ائله همين ساده ايش ايله باغيساقلارينيزدا اولان بوتون انگل‌لر و قوردلاري ائشيگه اؤتورورسونوز. ديابت ، يوخاري قان باسينجي (فشارخون بالا) و بير سيرا كانسئر (خرچنگ؛ سرطان) خسته‌ليك‌لرين قارشيسيندا بير قوروجو باراژ (سد محافظتي) دوزنله‌ييرسينيز.ساريمساغين آج قارينلا يئمه‌مه‌يي قان آخيميندا (جريان خون) ياخشي ائتكيسي واردير.بو يئيينتي (ماده غذايي) قان باسينجيني آزالديب يئمه‌كلرين سينديرمه‌سينه (هضم) كؤمه‌ك ائدير .
۲۰۰۱ ايلينده كئچيريله‌ن بير بيليم‌سل آراشديرمانين سونوجلارينا گؤره او اينسانلار كي دوزه‌نلي (مرتب) اولاراق ساريمساق ايشله‌ديرلر، باشقالارينا گؤره “سويوق درمه”(سرماخوردگي) قارشيسيندا اووچ قات آرتيق قورونورلار.
ساريساق اوره‌ك، بؤيره‌ك و صفرا كيسه‌سينين دوزگون ايشله‌تيملري (عملكرد بهتر) اوزره اؤنملي ائتكي‌يه اييه دير. ايسهال، عصبي سورونلار(مشكلات عصبي)، ايشتيهاسيزليق(بي اشتهايي)، هؤويشنه (استرس) و اينسانين اوزونده اولان بيزيك‌لره(جوش، آكنه) قارشي يارارلي‌دير.
ساريمساغي آج قارينلا يئديغينيز چاغدا دوغروسو دئمه‌ك وجودونوزون(بدن تان) زه‌هه‌رلريني قالديريرسينيز.
بئله‌ليكله چوچ راحاتجاسينا بوتون انگل‌لر و بدنين ايچ اورگانلاريندا
اؤزلليكله باغيرساقلاردا يئر سالان سوموروجو قورداقلاري ائشيگه اؤتوروب و
قند خسته‌ليگي؛ قان باسينجينين يوخاريليغي و بير سيرا خرچنگ خسته‌ليكلرينه
قارشي بير قوروجو باراژ قورار.
ايه‌ر ايسته‌ييرسينيز سئل، حسبه، سويوق درمه، نقرئس، برونشيت، آغير
برونشيت، آغ جييارلارين توتولمالاري، آسم، بوواسير، يوبوست، قولاق
چيرك‌له‌مه‌سي و قارا اؤسگورمه كيمي خسته‌ليك‌لر سيزدن و ياخينلارينيزدان
اوزاق اولالار كسينليكله ساريمساغي اونودماماليسينيز.
سئوينديريجي ساو(خبر) بوكي، آراشديرمالارين سونوجلارينا گؤره، كيمسه دوزنلي اولاراق(مرتب) يئته‌ري قده‌ر ساريمساق ايشله‌ديرسه بير چوخ خرچنگ خسته‌ليكلرينه قارشي قورونولار. آراشديرماجيلارين دئديكلرينه گؤره ساريمساق، دالاغي(كبد) زه‌هه‌رلي تركيبلرين قارشيسيندا قورويا بيله‌ر.ساريمساق دوغجوللوق (باروري) اؤزلليگيني آرتيريب، قان‌دا اولان قندلرين بؤيوتونو(ميزان قتد خون) آزالديب اينسانين قوجاليغين گئجه‌لده‌ر (به تاخير مي‌اندازد). آنجاق بونلار سادجه ساريمساغين تايسيز اؤزلليكلرينين بير بالاجا بولومو ايدي كي اؤزه‌ت (خلاصه) اولاراق اونلارا توخونولدو.
ساريمساغين اؤزلليكلريندن بوتون اولاراق يارارلانماق اوچون دوزگون قوللانيم يوللاري
ساريمساغين، آليسين و
دي‌آليل‌دي‌سولفيد آدلي ايكي اؤنملي علاج وئريجي اؤزلليگينه اييه اولان
قاريشيملاري (تركيب) واردير.ايهرسه آرديجيل اولاراق گونده گون ائرته
چاغي(صبح) آج قارينلا اولاراق يئييلسه تام دوغال اولان بيله‌ن بيچيمده بير
اوزون عؤمور، ساغلامليقلا بيرگه سيزه سوناجاقدير.
ساريمساغين ايي‌ايندن خوشلانماييرسينيزسا (اگر خوشتان نمي‌آيد) يا حاسساس
بير مئعده‌نيز وارديرسا علاج ائولرينده (داروخانه) ساريمساقلي قيدا
آرتيرمالاريني (مكمل هاي غذايي سير) آليب قولانا بيلرسينيز.
*بيلمه‌لي‌سينيز ساريمساغي سانجي ائدن ديشين اوستونه قويدوغونوزدا اونون سانجي‌سيني آلميش اولاجاقسينيز.
* سيز بو بيتگي‌ني توپيكال
(موضعي) اولاراق قولانا بيله‌رسينيز بئله‌جه كي بير سيرا بؤجه‌ك‌لرين
(حشرات) سانجمالاريندان قورتولماق اوچون يارا ساغالدان كيمي قولانا
بيلرسينيز.
ساريمساق سيزين وجودونوزدا اولان زيگيل‌لردن ده قورتارا بيله‌ر.
* سويوق درمه‌نين اليندن تئزليكله قورتولماق ايسته‌ييرسينيزسه بير دنه قابيغي سويولموش ساريمساغي ايستي سودا قايناديب سو ايله يئيين. بو ايشي گؤردوغونوزده وجودونوزون باغيشيقليق سيستئمين (سيستم ايمني بدن) گوجله‌نديريب سويوق درمه‌نين قارشيسين الا بيله‌رسينيز.
ازيلميش ساريمساق
*روماتيسمينيز وارديرسا ساريمساغي زئيتون ياغيندا ازيب، گونده (هر روز) گون ائرته چاغي (صبح) بدنيزين سانجي ائدن يئرله‌رينه ياخاين.(بماليد)
* قولاغينيز چيرك ائديب‌ديرسه(عفونت كرده) ، ساريمساغي ازيب اونون سويون اينجه سوزگه‌چيله سوزوب بير يا ايكي دامجي سويوندان قولاغينيزا دامجيدين.(بچكانيد)
* اونوتقانليق (فراموشي) و يادداشينيزين سورونلارينين (مشكلات حافظه) چؤزولمه‌سي اوچون بير كيلوگرم ساريمساغين قابيغين سويوب نارين تيكه‌لره بؤلون. سونرا اونلاري ۲۴ دنه تورش لومونون سويوايله قاريشديريب بير آغزي باغلي شوشه‌دن اولان قابا بوشالدين.دايانين قاريشيمينيز (تركيبتان) ۲۴ گون بويوجا قالسين. سونرا گونده آج قارينلا بير چاي‌ايچمه قاشيغيلا بو قاريشيمدان ايچين.
* بؤيره‌ك داشينا قارشي ايكي يئمه‌ك قاشيغي بؤيوتونده ازيلميش ساريمساغي بير لئتير سويون ۴دن بيرينده ۲۰ ديقه بويونجا قاينادين. چؤزومو (محلول) سوزون. بير فينجان گون ائرته‌چاغي بير فينجان‌دا گئجه ياتماميشدان اؤنجه مئيل بويورون.
* قادينلار آي‌باشي آغريلاريني آزاتلمالاري اوچون ايلك بئش گونده ۱ يا ۲ حبه ساريمساغي آج قارينلا مئيل بويورسونلار.
قايناق: فاطمه مهدي پور
بخش تغذيه و آشپزي تبيان
چئويري: حاميد مورسلي آغاجري
بيليم سسينه اميرآبادي آقا بويوروبلار :
چوخ ممنون بو ديرلي مقاله نيزدن. صبح ساريمساق مصرفي قان فشاريني آشاغي
گتيرير و آدامي يوخو باسير. بونو نه ائده بيله ريك؟ چون درس اوخوماق و فكري
چاليشماق اوچون صبح سرحال اولماق لازيم دير. من نئچه گون صبح مصرف ائتديم
آما سونرا تصميم توتدوم كي گئجه ياتاندا ساريمساق مصرف ائدم. بئله نئجه
اولور؟!
بيليم سسينه ياسر.ج بويوروبلار :
بلكه قيدا آرتيريم لاري كار ساليب خوشلانديرا يوخسا آج قارنينا سريمساق يئمك راحات دئييل!
گؤنده ر
بؤلوم لر:
ساغلامليق